KHuda kare to kisi raaz ka amin na bane

ḳhudā kare to kisī raaz kā amiiñ na bane

gumāñ gumāñ hī rahe aur kabhī yaqīñ na bane

tujhe ye shauq ki parvāz ho buland apnī

mujhe ye Dar ki kabhī āsmāñ zamīñ na bane

ye baat aur hai koshish hazār kī ham ne

hamāre sher tumhārī tarah hasīñ na bane

ye alamiya hai hamārā ki ham ba-har-sūrat

tamāshā-gāh rahe aur tamāsh-bīñ na bane

ajab vo ġhurbat-e-dīvār-o-bār-o-dar thī ki ham

makān meñ rahe lekin kabhī makīñ na bane

uThāo haath duā ko to ehtiyāt rahe

ye haath uTh ke kabhī nañg-e-āstīñ na bane

KHuda kare to kisi raaz ka amin na bane

guman guman hi rahe aur kabhi yaqin na bane

tujhe ye shauq ki parwaz ho buland apni

mujhe ye Dar ki kabhi aasman zamin na bane

ye baat aur hai koshish hazar ki hum ne

hamare sher tumhaari tarah hasin na bane

ye alamiya hai hamara ki hum ba-har-surat

tamasha-gah rahe aur tamash-bin na bane

ajab wo ghurbat-e-diwar-o-bar-o-dar thi ki hum

makan mein rahe lekin kabhi makin na bane

uThao hath dua ko to ehtiyat rahe

ye hath uTh ke kabhi nang-e-astin na bane