KHuda ki sidq-e-dil se tum itaat kar ke dekho
ḳhudā kī sidq-e-dil se tum itā.at kar ke dekho
ibādat gar nahīñ hotī mohabbat kar ke dekho
kisī kā ġham sameTe kab talak baiThe rahoge
amānat meñ zarā sī to ḳhayānat kar ke dekho
tumhārā dil tumhārī ik nahīñ suntā hai jānāñ
zarā mere havāle ye musībat kar ke dekho
mukammal chāhiye mujh ko tumhārī be-vafā.ī
mohabbat kar nahīñ sakte adāvat kar ke dekho
ḳhamoshī hijr chashm-e-nam dil-e-āshufta le kar
zamāne bhar kī ḳhushiyoñ kī tijārat kar ke dekho
tumheñ duniyā badalnī hai to merī baat maano
jhukānā chhoḌ do sar ko baġhāvat kar ke dekho
KHuda ki sidq-e-dil se tum itaat kar ke dekho
ibaadat gar nahin hoti mohabbat kar ke dekho
kisi ka gham sameTe kab talak baiThe rahoge
amanat mein zara si to KHayanat kar ke dekho
tumhaara dil tumhaari ek nahin sunta hai jaanan
zara mere hawale ye musibat kar ke dekho
mukammal chahiye mujh ko tumhaari be-wafai
mohabbat kar nahin sakte adawat kar ke dekho
KHamoshi hijr chashm-e-nam dil-e-ashufta le kar
zamane bhar ki KHushiyon ki tijarat kar ke dekho
tumhein duniya badalni hai to meri baat mano
jhukana chhoD do sar ko baghawat kar ke dekho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
