KHuda ne jin ke maani nahin batae hain

ḳhudā ne jin ke ma.ānī nahīñ batā.e haiñ

vo harf zehn meñ apnī jagah banā.e haiñ

sitāre shams-o-qamar aañkh raushnī rasta

ham aisī ne.amateñ pā ke bhī laḌkhaḌā.e haiñ

kise ḳharīdeñ kise chhoḌ deñ ye mushkil hai

hamāre ḳhvāb har ik shai meñ jhilmilā.e haiñ

kabhī-kabhār agar maiñ zabāñ pe aaya hai

ham apnī zaat se kis darja ḳhauf khaa.e haiñ

jo apne aap pe qaabū kabhī na rakh paa.e

ab un ke haath meñ sab iḳhtiyār aa.e haiñ

har ek jins se rakhtā hai rābta apnā

bashar ne apne ka.ī silsile banā.e haiñ

jab ek maun diloñ meñ utar gayā 'pāras'

to ham ne rab kī ibādat meñ sar jhukā.e haiñ

KHuda ne jin ke maani nahin batae hain

wo harf zehn mein apni jagah banae hain

sitare shams-o-qamar aankh raushni rasta

hum aisi neamaten pa ke bhi laDkhaDae hain

kise KHariden kise chhoD den ye mushkil hai

hamare KHwab har ek shai mein jhilmilae hain

kabhi-kabhaar agar main zaban pe aaya hai

hum apni zat se kis darja KHauf khae hain

jo apne aap pe qabu kabhi na rakh pae

ab un ke hath mein sab iKHtiyar aae hain

har ek jins se rakhta hai rabta apna

bashar ne apne kai silsile banae hain

jab ek maun dilon mein utar gaya 'paras'

to hum ne rab ki ibaadat mein sar jhukae hain