KHuda se tauba karo dard ki sada se bacho

ḳhudā se tauba karo dard kī sadā se bacho

ġhurūr chhoḌo yatīmoñ kī badduā se bachcho

tumhāre haath meñ ye jaam de ke chal degī

jo ho sake to ḳhudārā tum is ghaTā se bacho

isī mahīne meñ zaḳhmoñ ke phuul khilte haiñ

hamesha mausam-e-barsāt kī havā se bacho

na jaane kab tumheñ ye chuur chuur kar Daale

tum aa.ina ho to patthar ke is ḳhudā se bacho

vo jin se shahr meñ amrāz-e-qalb phail ga.e

tum aise nīm-hakīmān kī davā se bacho

iraq ā.uñgā saddām ban ke ā.uñgā

maiñ dhoke-bāz nahīñ huuñ mirī adā se bacho

ye shahr-e-ishq-o-mohabbat hai phir bhī ai 'dilkash'

vafā-shanās bano aur be-vafā se bacho

KHuda se tauba karo dard ki sada se bacho

ghurur chhoDo yatimon ki baddua se bachcho

tumhaare hath mein ye jam de ke chal degi

jo ho sake to KHudara tum is ghaTa se bacho

isi mahine mein zaKHmon ke phul khilte hain

hamesha mausam-e-barsat ki hawa se bacho

na jaane kab tumhein ye chur chur kar Dale

tum aaina ho to patthar ke is KHuda se bacho

wo jin se shahr mein amraaz-e-qalb phail gae

tum aise nim-hakiman ki dawa se bacho

iraq aaunga saddam ban ke aaunga

main dhoke-baz nahin hun meri ada se bacho

ye shahr-e-ishq-o-mohabbat hai phir bhi ai 'dilkash'

wafa-shanas bano aur be-wafa se bacho