KHuddariyon ki had se nikalna paDa mujhe

ḳhuddāriyoñ kī had se nikalnā paḌā mujhe

māhaul kī chitāoñ meñ jalnā paḌā mujhe

vo maslahat thī kyā thī mujhe kuchh nahīñ pata

apnā har ik usuul badalnā paḌā mujhe

sochā thā maiñ rahūñgā hamesha 'urūj par

sūraj kī tarh shaam ko Dhalnā paḌā mujhe

maañ ke hasīn chāñd se chehre ko dekh kar

bachpan kī yaad aa.ī machalnā paḌā mujhe

bujhtā jo maiñ to miTtā nishāñ ḳhāndān kā

maiñ āḳhirī charāġh thā jalnā paḌā mujhe

paanā kaThin hai zevar-e-kirdār dosto

chāñdī kī tarh aag meñ galnā paḌā mujhe

yūñhī kahāñ mile haiñ ye do-chār phuul bhī

'ālam' hazār kāñToñ pe chalnā paḌā mujhe

KHuddariyon ki had se nikalna paDa mujhe

mahaul ki chitaon mein jalna paDa mujhe

wo maslahat thi kya thi mujhe kuchh nahin pata

apna har ek usul badalna paDa mujhe

socha tha main rahunga hamesha 'uruj par

suraj ki tarh sham ko Dhalna paDa mujhe

man ke hasin chand se chehre ko dekh kar

bachpan ki yaad aai machalna paDa mujhe

bujhta jo main to miTta nishan KHandan ka

main aaKHiri charagh tha jalna paDa mujhe

pana kaThin hai zewar-e-kirdar dosto

chandi ki tarh aag mein galna paDa mujhe

yunhi kahan mile hain ye do-chaar phul bhi

'alam' hazar kanTon pe chalna paDa mujhe