khul kar na sar-e-am ho izhaar bhale hi

khul kar na sar-e-ām ho iz.hār bhale hī

hai buġhz kareñ ham se vo inkār bhale hī

bachchoñ ne to aapas meñ nahīñ khelnā chhoḌā

āñgan meñ uThā.ī ga.ī dīvār bhale hī

phailāyā na hāthoñ ko kabhī aage kisī ke

har vaqt masā.il se huuñ do-chār bhale hī

masjid kī shahādat meñ rahī ye bhī mulavvis

kartī rahe inkār ye sarkār bhale hī

daulat hī jhukā paa.ī na qānūn hī us ko

fāqoñ se marā hai vo qalamkār bhale hī

hai sachchā parastār vo urdu kā ai 'sāhil'

hai ek risāle kā ḳharīdār bhale hī

khul kar na sar-e-am ho izhaar bhale hi

hai bughz karen hum se wo inkar bhale hi

bachchon ne to aapas mein nahin khelna chhoDa

aangan mein uThai gai diwar bhale hi

phailaya na hathon ko kabhi aage kisi ke

har waqt masail se hun do-chaar bhale hi

masjid ki shahadat mein rahi ye bhi mulawwis

karti rahe inkar ye sarkar bhale hi

daulat hi jhuka pai na qanun hi us ko

faqon se mara hai wo qalamkar bhale hi

hai sachcha parastar wo urdu ka ai 'sahil'

hai ek risale ka KHaridar bhale hi