khul ke sachchai ka izhaar nahin kar sakte

khul ke sachchā.ī kā iz.hār nahīñ kar sakte

ham jo karte haiñ vo aḳhbār nahīñ kar sakte

zindagī terā taqāzā hai ki sarpaT dauḌeñ

ham vo lāchār ki inkār nahīñ kar sakte

un ko haq hai ki vo inkār bhī kar sakte haiñ

ham pe qadġhan hai ki isrār nahīñ kar sakte

sab ke sab mil ke mire sāmne saf-ārā haiñ

kaam aisā hai ki do-chār nahīñ kar sakte

tujh se ik kaam hai aur kaam bhī aisā hai ki jo

chashm-o-abrū lab-o-ruḳhsār nahīñ kar sakte

ham ne ik umr kyā un pe bharosā 'maz.har'

ham vahī kaam lagātār nahīñ kar sakte

khul ke sachchai ka izhaar nahin kar sakte

hum jo karte hain wo aKHbar nahin kar sakte

zindagi tera taqaza hai ki sarpaT dauDen

hum wo lachaar ki inkar nahin kar sakte

un ko haq hai ki wo inkar bhi kar sakte hain

hum pe qadghan hai ki israr nahin kar sakte

sab ke sab mil ke mere samne saf-ara hain

kaam aisa hai ki do-chaar nahin kar sakte

tujh se ek kaam hai aur kaam bhi aisa hai ki jo

chashm-o-abru lab-o-ruKHsar nahin kar sakte

hum ne ek umr kya un pe bharosa 'mazhar'

hum wahi kaam lagatar nahin kar sakte