khula har manzar-e-fikr-o-nazar aahista aahista

khulā har manzar-e-fikr-o-nazar āhista āhista

chhaTā āḳhir ġhubār-e-rahguzar āhista āhista

vo ik be-nām sā koī jazīra bahr-e-imkā۔n meñ

parindoñ se milī ham ko ḳhabar āhista āhista

nazar meñ chashm-e-tar meñ yā kabhī āġhosh-e-dariyā meñ

guhar takmīl hotā hai magar āhista āhista

na jaane tishnagī thī yā koī ehsās-e-mahrūmī

jale ik aag meñ ham-umr bhar āhista āhista

vo kuchh bhūlī huī yādeñ vo dhundlī chand tasvīreñ

sadā.eñ detī haiñ ab bhī magar āhista āhista

hue jaate haiñ ḳhushiyoñ ke manāzir kam se kam 'anjum'

bichhaḌte jā rahe haiñ ham-safar āhista āhista

khula har manzar-e-fikr-o-nazar aahista aahista

chhaTa aaKHir ghubar-e-rahguzar aahista aahista

wo ek be-nam sa koi jazira bahr-e-imka۔n mein

parindon se mili hum ko KHabar aahista aahista

nazar mein chashm-e-tar mein ya kabhi aaghosh-e-dariya mein

guhar takmil hota hai magar aahista aahista

na jaane tishnagi thi ya koi ehsas-e-mahrumi

jale ek aag mein ham-umr bhar aahista aahista

wo kuchh bhuli hui yaaden wo dhundli chand taswiren

sadaen deti hain ab bhi magar aahista aahista

hue jate hain KHushiyon ke manazir kam se kam 'anjum'

bichhaDte ja rahe hain ham-safar aahista aahista