khula ye us se bichhaD kar ki pyar tha kitna

khulā ye us se bichhaḌ kar ki pyaar thā kitnā

vo shaḳhs mere liye be-qarār thā kitnā

har ek samt hai sūraj ke qatl kā charchā

fazā-e-shām pe ḳhuuñ kā nikhār thā kitnā

tamām 'umr jalā dhuup dhuup mere liye

tirī vafā kā shajar sāya-dār thā kitnā

haqīqatoñ ke nagar meñ ye TūTte hue ḳhvāb

na jaane un pe mujhe e'tibār thā kitnā

tumhāre sāmne aaya to ban gayā patthar

dil-o-nazar pe mujhe iḳhtiyār thā kitnā

ham apne aap hī gum ho ga.e tujhe pā kar

nigār-e-sub.h tirā intizār thā kitnā

bikhar ke rah gayā shīrāza-e-ḳhayāl 'qamar'

shu’ūr-e-fikr-o-nazar ḳhām-kār thā kitnā

khula ye us se bichhaD kar ki pyar tha kitna

wo shaKHs mere liye be-qarar tha kitna

har ek samt hai suraj ke qatl ka charcha

faza-e-sham pe KHun ka nikhaar tha kitna

tamam 'umr jala dhup dhup mere liye

teri wafa ka shajar saya-dar tha kitna

haqiqaton ke nagar mein ye TuTte hue KHwab

na jaane un pe mujhe e'tibar tha kitna

tumhaare samne aaya to ban gaya patthar

dil-o-nazar pe mujhe iKHtiyar tha kitna

hum apne aap hi gum ho gae tujhe pa kar

nigar-e-subh tera intizar tha kitna

bikhar ke rah gaya shiraaza-e-KHayal 'qamar'

shu’ur-e-fikr-o-nazar KHam-kar tha kitna