khulega uqda-e-tauhid meri baat ke sath

khulegā uqda-e-tauhīd merī baat ke saath

sifat bhī rahtī hai har vaqt apnī zaat ke saath

kahīñ pe bikhrī hai tanhā.ī mere kamre meñ

kahīñ pe bikhrī haiñ tasvīreñ kāġhzāt ke saath

maiñ us se haar ke har pal duā.eñ māñgtā huuñ

ki us kī jiit bhī ho jaa.e merī maat ke saath

vo kal jo lāThī ko ik azhdahā banātā thā

vo mo.ajiza kahīñ gum hai ajā.ibāt ke saath

ye saarā paḌhnā paḌhānā hai peT kā chakkar

ki ahl-e-ilm bhī bikte haiñ pārchāt ke saath

kahīñ pe diin ke charche haiñ kufr se 'vāqif'

kahīñ pe kufr ke charche haiñ dīniyāt ke saath

khulega uqda-e-tauhid meri baat ke sath

sifat bhi rahti hai har waqt apni zat ke sath

kahin pe bikhri hai tanhai mere kamre mein

kahin pe bikhri hain taswiren kaghzat ke sath

main us se haar ke har pal duaen mangta hun

ki us ki jit bhi ho jae meri mat ke sath

wo kal jo laThi ko ek azhdaha banata tha

wo moajiza kahin gum hai ajaibaat ke sath

ye sara paDhna paDhana hai peT ka chakkar

ki ahl-e-ilm bhi bikte hain parchat ke sath

kahin pe din ke charche hain kufr se 'waqif'

kahin pe kufr ke charche hain diniyat ke sath