KHumar-e-tishna-labi mein ye kaam kar aae
ḳhumār-e-tishna-labī meñ ye kaam kar aa.e
ham apnī pyaas ko dariyā ke naam kar aa.e
tumhāre lams kā sandal mahakne vaalā hai
ḳhabar ye ham bhī daraḳhtoñ meñ aam kar aa.e
use gale se lagānā to ḳhvāb Thahrā hai
yahī bahut hai jo us se kalām kar aa.e
tumhārī yaad kī chhāñv meñ din guzārā hai
tumhāre zikr ke saa.e meñ shaam kar aa.e
kuchh aur ho na sakā ham se is jahāñ meñ magar
yahī bahut hai mohabbat meñ naam kar aa.e
KHumar-e-tishna-labi mein ye kaam kar aae
hum apni pyas ko dariya ke nam kar aae
tumhaare lams ka sandal mahakne wala hai
KHabar ye hum bhi daraKHton mein aam kar aae
use gale se lagana to KHwab Thahra hai
yahi bahut hai jo us se kalam kar aae
tumhaari yaad ki chhanw mein din guzara hai
tumhaare zikr ke sae mein sham kar aae
kuchh aur ho na saka hum se is jahan mein magar
yahi bahut hai mohabbat mein nam kar aae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
