KHumar-KHana-e-lafz-o-bayan tak hi hai

ḳhumār-ḳhāna-e-lafz-o-bayān tak hī hai

ki chāhatoñ kā nasha imtihān tak hī hai

phir is ke baa'd bikharnā hai mujh ko har lamha

ki ye sukūn faqat tere dhyān tak hī hai

bulandiyoñ ke safar se na is qadar ghabrā

ye ḳhauf sā jo hai pahlī uḌaan tak hī hai

nikal bhī jaao kināre kī samt aise meñ

havā kā zor abhī bādbān tak hī hai

ḳhudā hue to vafāoñ kā bāñkpan bhī gayā

khiñchāv tiir kā goyā kamān tak hī hai

shikastagī pe mirī dekh itnā tanz na kar

ye ukhḌā ukhḌā tanaffus takān tak hī hai

'ra.ūf' duur talak rāste meñ koī nahīñ

ki ye tazād-e-sadā tere kaan tak hī hai

KHumar-KHana-e-lafz-o-bayan tak hi hai

ki chahaton ka nasha imtihan tak hi hai

phir is ke ba'd bikharna hai mujh ko har lamha

ki ye sukun faqat tere dhyan tak hi hai

bulandiyon ke safar se na is qadar ghabra

ye KHauf sa jo hai pahli uDan tak hi hai

nikal bhi jao kinare ki samt aise mein

hawa ka zor abhi baadban tak hi hai

KHuda hue to wafaon ka bankpan bhi gaya

khinchaw tir ka goya kaman tak hi hai

shikastagi pe meri dekh itna tanz na kar

ye ukhDa ukhDa tanaffus takan tak hi hai

'rauf' dur talak raste mein koi nahin

ki ye tazad-e-sada tere kan tak hi hai