KHush-dili se bazm-e-duniya se guzar jaenge hum

ḳhush-dilī se bazm-e-duniyā se guzar jā.eñge ham

ai dil-e-be-e-āsrā ik roz mar jā.eñge ham

merī kashtī ke musāfir sab samajhte haiñ ye ramz

Duub jā.eñge agar to paar utar jā.eñge ham

ik musalsal be-dilī yā ik mukammal be-ḳhudī

apnī hālat ko agar dekheñ to Dar jā.eñge ham

jism-e-fānī shukriya terā hameñ taskīn hai

ek din dasht-e-balā ke paar utar jā.eñge ham

ghar kise kahte haiñ kumba kis balā kā naam hai

in savāloñ meñ agar uljhe to mar jā.eñge ham

jam.a karte karte ḳhud ko aane lagtā hai ḳhayāl

phir se koī hādisa hogā bikhar jā.eñge ham

KHush-dili se bazm-e-duniya se guzar jaenge hum

ai dil-e-be-e-asra ek roz mar jaenge hum

meri kashti ke musafir sab samajhte hain ye ramz

Dub jaenge agar to par utar jaenge hum

ek musalsal be-dili ya ek mukammal be-KHudi

apni haalat ko agar dekhen to Dar jaenge hum

jism-e-fani shukriya tera hamein taskin hai

ek din dasht-e-bala ke par utar jaenge hum

ghar kise kahte hain kumba kis bala ka nam hai

in sawalon mein agar uljhe to mar jaenge hum

jama karte karte KHud ko aane lagta hai KHayal

phir se koi hadisa hoga bikhar jaenge hum