KHush-haali kisi roz bhi ghar tak nahin aai

ḳhush-hālī kisī roz bhī ghar tak nahīñ aa.ī

is ḳhvāb kī ta.abīr nazar tak nahīñ aa.ī

maiñ surḳh-rū ho jaatā agar Duub bhī jaatā

afsos koī mauj bhī sar tak nahīñ aa.ī

rah jaate dhare saare baḌe bol tumhāre

ḳhush-baḳht ho kashtī jo bhañvar tak nahīñ aa.ī

tūfān uThā detī zarā der meñ paglī

achchhā hai ghaTā dīda-e-tar tak nahīñ aa.ī

zaḳhmoñ ke nishāñ rah ga.e ik yaad kī sūrat

phir guzre zamānoñ kī ḳhabar tak nahīñ aa.ī

vo taḳht-nashīñ roz na.e zulm karegā

gar mauj-e-havā ab bhī sharar tak nahīñ aa.ī

talvāroñ kā kyā zikr sab us ke liye hī thiiñ

hisse meñ 'niyāz' apne sipar tak nahīñ aa.ī

KHush-haali kisi roz bhi ghar tak nahin aai

is KHwab ki tabir nazar tak nahin aai

main surKH-ru ho jata agar Dub bhi jata

afsos koi mauj bhi sar tak nahin aai

rah jate dhare sare baDe bol tumhaare

KHush-baKHt ho kashti jo bhanwar tak nahin aai

tufan uTha deti zara der mein pagli

achchha hai ghaTa dida-e-tar tak nahin aai

zaKHmon ke nishan rah gae ek yaad ki surat

phir guzre zamanon ki KHabar tak nahin aai

wo taKHt-nashin roz nae zulm karega

gar mauj-e-hawa ab bhi sharar tak nahin aai

talwaron ka kya zikr sab us ke liye hi thin

hisse mein 'niyaz' apne sipar tak nahin aai