KHush hun ya dost se KHafa hun main

ḳhush huuñ yā dost se ḳhafā huuñ maiñ

āj-kal kuchh nayā nayā huuñ maiñ

tum pe sau jaan se fidā huuñ maiñ

tum jise chāho us ko chāhūñ maiñ

har adā par tirī fidā huuñ maiñ

aa.ina ban ke dekhtā huuñ maiñ

un ko ye aarzū are tauba

maiñ kahūñ aarzū bharā huuñ maiñ

ai atā kosh kar ataa.ī nazar

ai ḳhatā-posh be-ḳhatā huuñ maiñ

ibtidā hī ġhalat hai bismillāh

apnā anjām sochtā huuñ maiñ

ek nādān dost kī ḳhātir

dushmanoñ se milā huā huuñ maiñ

kasmapursī hai ḳhaak hone tak

ḳhaak hote hī kīmiyā huuñ maiñ

ishq-bāzī hai zinda-dar-gorī

maut se pahle mar chukā huuñ maiñ

kisī sūrat bhī kāmyāb nahīñ

kis nirāse kā mudda.ā huuñ maiñ

hijr meñ mausam-e-hujūm-e-gul

aur dīvāna ban gayā huuñ maiñ

mujh ko kyuuñ jānte ho mustaġhnī

nahīñ bando nahīñ ḳhudā huuñ maiñ

ishq ne kar diyā nikammā sā

ab tire kaam kā banā huuñ maiñ

talab-e-haq hai aise ijz ke saath

jaisā ḳhairāt māñgtā huuñ maiñ

abhī sab kuchh abhī nahīñ kuchh bhī

ai safī' kyā batā.ūñ kyā huuñ maiñ

KHush hun ya dost se KHafa hun main

aaj-kal kuchh naya naya hun main

tum pe sau jaan se fida hun main

tum jise chaho us ko chahun main

har ada par teri fida hun main

aaina ban ke dekhta hun main

un ko ye aarzu are tauba

main kahun aarzu bhara hun main

ai ata kosh kar atai nazar

ai KHata-posh be-KHata hun main

ibtida hi ghalat hai bismillah

apna anjam sochta hun main

ek nadan dost ki KHatir

dushmanon se mila hua hun main

kasmapursi hai KHak hone tak

KHak hote hi kimiya hun main

ishq-bazi hai zinda-dar-gori

maut se pahle mar chuka hun main

kisi surat bhi kaamyab nahin

kis nirase ka muddaa hun main

hijr mein mausam-e-hujum-e-gul

aur diwana ban gaya hun main

mujh ko kyun jaante ho mustaghni

nahin bando nahin KHuda hun main

ishq ne kar diya nikamma sa

ab tere kaam ka bana hun main

talab-e-haq hai aise ijz ke sath

jaisa KHairaat mangta hun main

abhi sab kuchh abhi nahin kuchh bhi

ai safi' kya bataun kya hun main