KHush-rang hai gul se gul-e-ruKHsar tumhaara
KHush-rang hai gul se gul-e-ruKHsar tumhaara
Radhe Shiyam Rastogi Ahqar
MORE BYRadhe Shiyam Rastogi Ahqar
ḳhush-rañg hai gul se gul-e-ruḳhsār tumhārā
raihāñ se sivā ḳhat hai numūdār tumhārā
matlūb ho tum dil hai talabgār tumhārā
ye aa.ina hai tishna-e-dīdār tumhārā
yūsuf ko kabhī muft bhī letī na 'zuleḳhā'
nazzāra jo kartī sar-e-bāzār tumhārā
dāman kā bhī bosa na liyā fart-e-adab se
ab tak nahīñ ye banda gunahgār tumhārā
garmī se jo ḳhurshīd-e-qayāmat kī jaleñge
yaad aa.egā ye sāya-e-dīvār tumhārā
ushshāq ke sajdoñ kā bhalā zikr hī kyā hai
hindū-o-musalmāñ hai parastār tumhārā
tuutī kī tarah kyuuñ na suḳhan-sanj ho 'ahqar'
hai sāmne ā.īna-e-ruḳhsār tumhārā
KHush-rang hai gul se gul-e-ruKHsar tumhaara
raihan se siwa KHat hai numudar tumhaara
matlub ho tum dil hai talabgar tumhaara
ye aaina hai tishna-e-didar tumhaara
yusuf ko kabhi muft bhi leti na 'zuleKHa'
nazzara jo karti sar-e-bazar tumhaara
daman ka bhi bosa na liya fart-e-adab se
ab tak nahin ye banda gunahgar tumhaara
garmi se jo KHurshid-e-qayamat ki jalenge
yaad aaega ye saya-e-diwar tumhaara
ushshaq ke sajdon ka bhala zikr hi kya hai
hindu-o-musalman hai parastar tumhaara
tuti ki tarah kyun na suKHan-sanj ho 'ahqar'
hai samne aaina-e-ruKHsar tumhaara
- Book : Naqshha-e-rang rang (Pg. 10)
- Author : Radhe Shiyaam Ahqar
- Publication : Nami Press Lucknow (1953)
- Edition : 1953
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
