KHushi ke daur-daure se hai yan ranj-o-mehan pahle

ḳhushī ke daur-daure se hai yaañ rañj-o-mehan pahle

bahār aatī hai pīchhe aur ḳhizāñ gird-e-chaman pahle

muhibbān-e-vatan hoñge hazāroñ be-vatan pahle

phalegā hind pīchhe aur bharegā andaman pahle

abhī me'rāj kā kyā zikr ye pahlī hī manzil hai

hazāroñ manzileñ karnī haiñ tai ham ko kaThan pahle

munavvar anjuman hotī hai mahfil garm hotī hai

magar kab jab ke ḳhud jaltī hai sham'-e-anjuman pahle

hamārā hind bhī phūle phalegā ek din lekin

mileñge ḳhaak meñ lākhoñ hamāre gul-badan pahle

unhīñ ke sar rahā sehrā unhīñ ko taaj qurbāñ ho

jinhoñne phaaḌ kar kapḌe rakhā sar par kafan pahle

na ho kuchh ḳhauf marne kā na ho kuchh fikr jiine kī

agar ai ham-damoñ man meñ lagī ho ye lagan pahle

hamārā hind bhī europe se le jā.egā baazī

tilak jaise muhibbān-e-vatan hoñ indian pahle

na sehat kī kareñ parvā na ham daulat ke tālib hoñ

kareñ sab mulk par qurbān tan man aur dhan pahle

hameñ dukh bhognā lekin hamārī nasleñ sukh paa.eñ

ye man meñ Thaan leñ apne ye hindī mard-o-zan pahle

musībat aa qayāmat aa kahāñ zanjīr-o-zindāñ haiñ

yahāñ tayyār baiThe haiñ ġharībān-e-vatan pahle

KHushi ke daur-daure se hai yan ranj-o-mehan pahle

bahaar aati hai pichhe aur KHizan gird-e-chaman pahle

muhibban-e-watan honge hazaron be-watan pahle

phalega hind pichhe aur bharega andaman pahle

abhi me'raj ka kya zikr ye pahli hi manzil hai

hazaron manzilen karni hain tai hum ko kaThan pahle

munawwar anjuman hoti hai mahfil garm hoti hai

magar kab jab ke KHud jalti hai sham'-e-anjuman pahle

hamara hind bhi phule phalega ek din lekin

milenge KHak mein lakhon hamare gul-badan pahle

unhin ke sar raha sehra unhin ko taj qurban ho

jinhonne phaD kar kapDe rakha sar par kafan pahle

na ho kuchh KHauf marne ka na ho kuchh fikr jine ki

agar ai ham-damon man mein lagi ho ye lagan pahle

hamara hind bhi europe se le jaega bazi

tilak jaise muhibban-e-watan hon indian pahle

na sehat ki karen parwa na hum daulat ke talib hon

karen sab mulk par qurban tan man aur dhan pahle

hamein dukh bhogna lekin hamari naslen sukh paen

ye man mein Than len apne ye hindi mard-o-zan pahle

musibat aa qayamat aa kahan zanjir-o-zindan hain

yahan tayyar baiThe hain ghariban-e-watan pahle