KHushi ne mujhko Thukraya hai dard-o-gham ne pala hai

ḳhushī ne mujh ko Thukrāyā hai dard-o-ġham ne paalā hai

guloñ ne be-ruḳhī kī hai to kāñToñ ne sambhālā hai

mohabbat meñ ḳhayāl-e-sāhil-o-manzil hai nādānī

jo in rāhoñ meñ luT jaa.e vahī taqdīr vaalā hai

jahāñ bhar ko matā-e-lāla-o-gul baḳhshne vaalo

hamāre dil kā kāñTā bhī kabhī tum ne nikālā hai

kināroñ se mujhe ai nā-ḳhudāo duur hī rakhnā

vahāñ le kar chalo tūfāñ jahāñ se uThne vaalā hai

charāġhāñ kar ke dil bahlā rahe ho kyā jahāñ vaalo

añdherā laakh raushan ho ujālā phir ujālā hai

nasheman hī ke luT jaane kā ġham hotā to ġham kyā thā

yahāñ to bechne vāloñ ne gulshan bech Daalā hai

KHushi ne mujh ko Thukraya hai dard-o-gham ne pala hai

gulon ne be-ruKHi ki hai to kanTon ne sambhaala hai

mohabbat mein KHayal-e-sahil-o-manzil hai nadani

jo in rahon mein luT jae wahi taqdir wala hai

jahan bhar ko mata-e-lala-o-gul baKHshne walo

hamare dil ka kanTa bhi kabhi tum ne nikala hai

kinaron se mujhe ai na-KHudao dur hi rakhna

wahan le kar chalo tufan jahan se uThne wala hai

charaghan kar ke dil bahla rahe ho kya jahan walo

andhera lakh raushan ho ujala phir ujala hai

nasheman hi ke luT jaane ka gham hota to gham kya tha

yahan to bechne walon ne gulshan bech Dala hai