KHushiyon ka intizar tha wo bhi nahin raha

ḳhushiyoñ kā intizār thā vo bhī nahīñ rahā

zaḳhmoñ pe bhī nikhār thā vo bhī nahīñ rahā

terā mirā qarār thā vo bhī nahīñ rahā

bas pyaar pyaar pyaar thā vo bhī nahīñ rahā

āñkhoñ meñ jab se bebasī un ke dikhā.ī dī

kuchh kuchh hameñ ḳhumār thā vo bhī nahīñ rahā

yā-rab pata nahīñ vo ḳhafā kis liye hue

kuchh dil pe iḳhtiyār thā vo bhī nahīñ rahā

duniyā ne dil pe bijliyāñ jab se girā.ī haiñ

dil hai ki ġham-gusār thā vo bhī nahīñ rahā

toḌoge dil 'dharam' kā kahegā ye vaqt phir

jo shaḳhs be-qarār thā vo bhī nahīñ rahā

KHushiyon ka intizar tha wo bhi nahin raha

zaKHmon pe bhi nikhaar tha wo bhi nahin raha

tera mera qarar tha wo bhi nahin raha

bas pyar pyar pyar tha wo bhi nahin raha

aankhon mein jab se bebasi un ke dikhai di

kuchh kuchh hamein KHumar tha wo bhi nahin raha

ya-rab pata nahin wo KHafa kis liye hue

kuchh dil pe iKHtiyar tha wo bhi nahin raha

duniya ne dil pe bijliyan jab se girai hain

dil hai ki gham-gusar tha wo bhi nahin raha

toDoge dil 'dharam' ka kahega ye waqt phir

jo shaKHs be-qarar tha wo bhi nahin raha