KHushiyon ko DhunDne jo kabhi hum nikal paDe

ḳhushiyoñ ko DhūñDne jo kabhī ham nikal paḌe

ġham jitne ās-pās the sab saath chal paḌe

ik sard aah ne mirī aisā asar kiyā

us but ke dil meñ rahm ke chashme ubal paḌe

sikka thā bazm-e-dahr meñ jin kā kabhī ravāñ

be-nang-o-nām hoñge kahīñ āj-kal paḌe

insāñ to he vahī jo badal de havā kā ruḳh

insāñ vo kyā jo saath havāoñ ke chal paḌe

sahvan jo ham se zikr-e-vafā ho gayā kabhī

un kī jabīn-e-nāz pe kyā kyā na bal paḌe

ye bāñkpan ye husn ye mastī bharī adā

ḳhud tū bhī dekh le to tirā dil machal paḌe

apnā kahā thā hañs ke mujhe us ne ek baar

ab din ko chain aa.e na shab hī ko kal paḌe

dil hai vahī jo rakhtā ho tāb-e-jamāl-e-tūr

vo kyā jo ek jugnū kī lau par machal paḌe

taḌpā thā jis ḳhushī ke liye 'sehr' umr bhar

jab vo ḳhushī milī mire aañsū nikal paḌe

KHushiyon ko DhunDne jo kabhi hum nikal paDe

gham jitne aas-pas the sab sath chal paDe

ek sard aah ne meri aisa asar kiya

us but ke dil mein rahm ke chashme ubal paDe

sikka tha bazm-e-dahr mein jin ka kabhi rawan

be-nang-o-nam honge kahin aaj-kal paDe

insan to he wahi jo badal de hawa ka ruKH

insan wo kya jo sath hawaon ke chal paDe

sahwan jo hum se zikr-e-wafa ho gaya kabhi

un ki jabin-e-naz pe kya kya na bal paDe

ye bankpan ye husn ye masti bhari ada

KHud tu bhi dekh le to tera dil machal paDe

apna kaha tha hans ke mujhe us ne ek bar

ab din ko chain aae na shab hi ko kal paDe

dil hai wahi jo rakhta ho tab-e-jamal-e-tur

wo kya jo ek jugnu ki lau par machal paDe

taDpa tha jis KHushi ke liye 'sehr' umr bhar

jab wo KHushi mili mere aansu nikal paDe