KHub lagte aap hain sarkar sar se panw tak

ḳhuub lagte aap haiñ sarkār sar se paañv tak

aap ke ham ho ga.e bīmār sar se paañv tak

tum mujhe āvāz denā jab zarūrat ho mirī

mujh meñ har pal pāoge īsār sar se paañv tak

maiñ tirā mahjūr huuñ tere ġhamoñ se chuur huuñ

mujh meñ tū hī tū milegā yaar sar se paañv tak

tere saath aane se shāyad tā-ba-manzil jā sakūñ

'ishq kī hai vo rah-e-dushvār sar se paañv tak

dekh kar sūrat mirī ā.īna ḳhud hī kah uThā

ḳhūb-rū hai ḳhūb-sūrat yaar sar se paañv tak

is jahāñ meñ aaj bhī 'ḳhushtar' koī miltā nahīñ

tere jaisā sāhib-e-kirdār sar se paañv tak

KHub lagte aap hain sarkar sar se panw tak

aap ke hum ho gae bimar sar se panw tak

tum mujhe aawaz dena jab zarurat ho meri

mujh mein har pal paoge isar sar se panw tak

main tera mahjur hun tere ghamon se chur hun

mujh mein tu hi tu milega yar sar se panw tak

tere sath aane se shayad ta-ba-manzil ja sakun

'ishq ki hai wo rah-e-dushwar sar se panw tak

dekh kar surat meri aaina KHud hi kah uTha

KHub-ru hai KHub-surat yar sar se panw tak

is jahan mein aaj bhi 'KHushtar' koi milta nahin

tere jaisa sahib-e-kirdar sar se panw tak