KHun-e-ehsas ko maujon ki rawani samjhe

ḳhūn-e-ehsās ko maujoñ kī ravānī samjhe

ashk-e-gul-rañg the vo ham jinheñ paanī samjhe

kaun kartā hai ḳharāboñ meñ dafīnoñ kī talāsh

kis ko fursat hai jo zaḳhmoñ ke ma.ānī samjhe

kaise miT jaatī hai āñkhoñ se vafā kī tahrīr

aaj uḌte hue rañgoñ kī zabānī samjhe

jab bhī dekhā hai use ham ne na.e zaḳhm mile

kaun us shaḳhs kī tasvīr purānī samjhe

aañch thī apne sulagte hue ġham kī 'rāshid'

log jis ko hunar-e-shola-bayānī samjhe

KHun-e-ehsas ko maujon ki rawani samjhe

ashk-e-gul-rang the wo hum jinhen pani samjhe

kaun karta hai KHarabon mein dafinon ki talash

kis ko fursat hai jo zaKHmon ke maani samjhe

kaise miT jati hai aankhon se wafa ki tahrir

aaj uDte hue rangon ki zabani samjhe

jab bhi dekha hai use hum ne nae zaKHm mile

kaun us shaKHs ki taswir purani samjhe

aanch thi apne sulagte hue gham ki 'rashid'

log jis ko hunar-e-shola-bayani samjhe