KHwab aankhon mein mohabbat ka basae rakkhun

ḳhvāb āñkhoñ meñ mohabbat kā basā.e rakkhūñ

dil ye kahtā hai ki ye sham.a jalā.e rakkhūñ

kuchh na kuchh roz bigaḌ jaatā hai mere ghar meñ

kab tak is qasr-e-sharāfat ko bachā.e rakkhūñ

un kī ḳhvāhish hai ki rishtoñ meñ latāfat na rahe

merī koshish hai ki siine se lagā.e rakkhūñ

ek ik kar ke bujhe jaate haiñ armāñ ke charāġh

ā.ina-ḳhāna-e-dil kaise sajā.e rakkhūñ

dil to khīñche liye jaatā hai sar-e-kū-e-vafā

kaise is raah se maiñ ḳhud ko bachā.e rakkhūñ

yaad terī tan-e-qirtās meñ Dhal jaa.e agar

is sahīfe ko maiñ phūloñ meñ basā.e rakkhūñ

KHwab aankhon mein mohabbat ka basae rakkhun

dil ye kahta hai ki ye shama jalae rakkhun

kuchh na kuchh roz bigaD jata hai mere ghar mein

kab tak is qasr-e-sharafat ko bachae rakkhun

un ki KHwahish hai ki rishton mein latafat na rahe

meri koshish hai ki sine se lagae rakkhun

ek ek kar ke bujhe jate hain arman ke charagh

aaina-KHana-e-dil kaise sajae rakkhun

dil to khinche liye jata hai sar-e-ku-e-wafa

kaise is rah se main KHud ko bachae rakkhun

yaad teri tan-e-qirtas mein Dhal jae agar

is sahife ko main phulon mein basae rakkhun