KHwab aankhon mein sawali hi rahe
ḳhvāb āñkhoñ meñ savālī hī rahe
kāsa-e-ta.abīr ḳhālī hī rahe
raqs kartī ḳhvāhishoñ ke zer-e-pā
dil shikār-e-pā.emālī hī rahe
ḳhaak ho jaate lahū kī aag meñ
jism ke kuuze sifālī hī rahe
zindagī in se sivā niklī yahāñ
falsafe saare ḳhayālī hī rahe
sabza-e-maidāñ pe kab utrī ḳhizāñ
shor is kā Daalī Daalī hī rahe
chāñd niklā to ġhazab Dhā jā.egā
raat behtar hai ye kaalī hī rahe
KHwab aankhon mein sawali hi rahe
kasa-e-tabir KHali hi rahe
raqs karti KHwahishon ke zer-e-pa
dil shikar-e-paemali hi rahe
KHak ho jate lahu ki aag mein
jism ke kuze sifali hi rahe
zindagi in se siwa nikli yahan
falsafe sare KHayali hi rahe
sabza-e-maidan pe kab utri KHizan
shor is ka Dali Dali hi rahe
chand nikla to ghazab Dha jaega
raat behtar hai ye kali hi rahe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
