KHwab dar aae hain wahshat ki numu-yabi ko

ḳhvāb dar aa.e haiñ vahshat kī numū-yābī ko

aur maiñ bedār huā dekhne sairābī ko

mujh se pūchhe koī ā.īne meñ kyā hotā hai

maiñ junūñ-zād ki bāham rahā betābi ko

mauj-e-ḳhūñ sar se guzartī hai tabhī dekhtā huuñ

ātish-e-'ishq liye is dil-e-sailābī ko

bahs maujūd-o-mayassar meñ na shāmil rakhiye

ik ġhanīmat hī samajhiye mirī kam-yābī ko

dar-haqīqat to ye āñkhoñ kā ziyāñ hai merī

aap ne ḳhvāb samajh rakkhā hai be-ḳhvābī ko

aap kī tab'-e-ḳhizāñ ham pe barastī hai bahut

ham ne mazmūn kiyā mausam-e-shādābī ko

KHwab dar aae hain wahshat ki numu-yabi ko

aur main bedar hua dekhne sairabi ko

mujh se puchhe koi aaine mein kya hota hai

main junun-zad ki baham raha betabi ko

mauj-e-KHun sar se guzarti hai tabhi dekhta hun

aatish-e-'ishq liye is dil-e-sailabi ko

bahs maujud-o-mayassar mein na shamil rakhiye

ek ghanimat hi samajhiye meri kam-yabi ko

dar-haqiqat to ye aankhon ka ziyan hai meri

aap ne KHwab samajh rakkha hai be-KHwabi ko

aap ki tab'-e-KHizan hum pe barasti hai bahut

hum ne mazmun kiya mausam-e-shadabi ko