KHwab hi ke sath mere KHwab ki tabir thi

ḳhvāb hī ke saath mere ḳhvāb kī ta.abīr thī

shab ko zulfeñ haath meñ thiiñ sub.h ko zanjīr thī

kashmakash meñ is tarah guzrī hai saarī zindagī

umr bhar tadbīr se uljhī huī taqdīr thī

kyā jhukā saktā koī merī jabīn-e-shauq ko

is pe jab kanda tumhāre haath kī tahrīr thī

aaj tak barham haiñ mujh se aaj tak rūThe hue

kah diyā thā hāl-e-dil itnī mirī taqsīr thī

hādsāt-e-zindagī ne hī sañvārī zindagī

ye ināyat aap kī thī yā mirī taqdīr thī

be-qarārī khīñch laa.ī un kī bazm-e-nāz se

varna un ke multafit hone meñ kyā tāḳhīr thī

thiiñ tasavvur meñ mire kaun-o-makāñ kī vus.ateñ

markaz-e-zauq-e-nazar lekin tirī tasvīr thī

dāstān-e-ġham zabān-e-hāl se kar dī bayāñ

kyā huā ham par agar pābandī-e-taqrīr thī

ham to pāband-e-mohabbat haiñ 'shifā' ab kyā kareñ

varna jo chāhā huā ye aah meñ tāsīr thī

KHwab hi ke sath mere KHwab ki tabir thi

shab ko zulfen hath mein thin subh ko zanjir thi

kashmakash mein is tarah guzri hai sari zindagi

umr bhar tadbir se uljhi hui taqdir thi

kya jhuka sakta koi meri jabin-e-shauq ko

is pe jab kanda tumhaare hath ki tahrir thi

aaj tak barham hain mujh se aaj tak ruThe hue

kah diya tha haal-e-dil itni meri taqsir thi

hadsat-e-zindagi ne hi sanwari zindagi

ye inayat aap ki thi ya meri taqdir thi

be-qarari khinch lai un ki bazm-e-naz se

warna un ke multafit hone mein kya taKHir thi

thin tasawwur mein mere kaun-o-makan ki wusaten

markaz-e-zauq-e-nazar lekin teri taswir thi

dastan-e-gham zaban-e-haal se kar di bayan

kya hua hum par agar pabandi-e-taqrir thi

hum to paband-e-mohabbat hain 'shifa' ab kya karen

warna jo chaha hua ye aah mein tasir thi