KHwab KHush-fahmi KHushi sab kuchh miTa kar rakh diya

ḳhvāb ḳhush-fahmī ḳhushī sab kuchh miTā kar rakh diyā

us ne do hī roz meñ mujh ko bhulā kar rakh diyā

ye karishma kam se kam insān ke bas kā nahīñ

kis ne phir patthar pe ye paudhā ugā kar rakh diyā

sab kī nazroñ meñ ye daulat aa na jaa.e is liye

maiñ ne terā dard ġhazloñ meñ chhupā kar rakh diyā

tark-e-mai karne hī vaalā thā magar ab kyā karūñ

jaam saaqī ne mire hāthoñ pe lā kar rakh diyā

sirf aslī baat hī bolī nahīñ kambaḳht ne

kul-jahāñ kā yuuñ to afsāna sunā kar rakh diyā

kyā hasīñ kyā pur-sukūñ sapnā adhūrā rah gayā

aur so lene diyā hotā jagā kar rakh diyā

ai 'akelā' ho ga.ī apnī bhī rusvā.ī bahut

ham ne us ruḳh se magar parda haTā kar rakh diyā

KHwab KHush-fahmi KHushi sab kuchh miTa kar rakh diya

us ne do hi roz mein mujh ko bhula kar rakh diya

ye karishma kam se kam insan ke bas ka nahin

kis ne phir patthar pe ye paudha uga kar rakh diya

sab ki nazron mein ye daulat aa na jae is liye

main ne tera dard ghazlon mein chhupa kar rakh diya

tark-e-mai karne hi wala tha magar ab kya karun

jam saqi ne mere hathon pe la kar rakh diya

sirf asli baat hi boli nahin kambaKHt ne

kul-jahan ka yun to afsana suna kar rakh diya

kya hasin kya pur-sukun sapna adhura rah gaya

aur so lene diya hota jaga kar rakh diya

ai 'akela' ho gai apni bhi ruswai bahut

hum ne us ruKH se magar parda haTa kar rakh diya