KHwab mein wasl ke ilham utare jate

ḳhvāb meñ vasl ke ilhām utāre jaate

lafz bhīgī huī palkoñ pe sañvāre jaate

kaash ik baar bulāte vo hameñ bhī aur ham

saath pahlū meñ liye chāñd sitāre jaate

ik nazar dekh ke vahdat kī tajallī se unheñ

zulf to zulf hai ham ziist sañvāre jaate

ham bhī hote kabhī mansūb suḳhan kī ḳhātir

us kī mahfil se kabhī ham bhī pukāre jaate

aur kuchh chaah na thī apnī magar itnā thā

ḳhvāb kuchh apne bhī hote ki nikhāre jaate

vo koī paas mohabbat kā na rakhte na sahī

bojh vā'doñ kā magar ham se utāre jaate

chaak par haath ghumāte hue yaad aa.e haiñ

log kuchh aise ki kuuze meñ utāre jaate

jiit kā jashn manāte vo ḳhushī se aur ham

dekh kar un ko ye dil haath se haare jaate

vo faqat haal raqam karte idhar ham 'kāvish'

aag meñ pheñk ke sab dil ke ḳhasāre jaate

KHwab mein wasl ke ilham utare jate

lafz bhigi hui palkon pe sanware jate

kash ek bar bulate wo hamein bhi aur hum

sath pahlu mein liye chand sitare jate

ek nazar dekh ke wahdat ki tajalli se unhen

zulf to zulf hai hum zist sanware jate

hum bhi hote kabhi mansub suKHan ki KHatir

us ki mahfil se kabhi hum bhi pukare jate

aur kuchh chah na thi apni magar itna tha

KHwab kuchh apne bhi hote ki nikhaare jate

wo koi pas mohabbat ka na rakhte na sahi

bojh wa'don ka magar hum se utare jate

chaak par hath ghumate hue yaad aae hain

log kuchh aise ki kuze mein utare jate

jit ka jashn manate wo KHushi se aur hum

dekh kar un ko ye dil hath se haare jate

wo faqat haal raqam karte idhar hum 'kawish'

aag mein phenk ke sab dil ke KHasare jate