KHwab tabir safar mere sahaare kab the

ḳhvāb ta.abīr safar mere sahāre kab the

jo chamakte the vo jugnū the sitāre kab the

ye mohabbat kā asar hai ki tū dikhtā hai mujhe

naqsh kāġhaz pe abhī maiñ ne utāre kab the

mujh se bichhḌe haiñ kaḌe vaqt meñ baarī baarī

merī maañ sach hai mire dost ye saare kab the

apnī marzī ki tujhe chhoḌ diyā hai tujh par

ham vo mūrakh haiñ jo taqdīr se haare kab the

shahr ābād raheñ aur tū ābād rahe

ham to banjāre haiñ ye shahr hamāre kab the

KHwab tabir safar mere sahaare kab the

jo chamakte the wo jugnu the sitare kab the

ye mohabbat ka asar hai ki tu dikhta hai mujhe

naqsh kaghaz pe abhi main ne utare kab the

mujh se bichhDe hain kaDe waqt mein bari bari

meri man sach hai mere dost ye sare kab the

apni marzi ki tujhe chhoD diya hai tujh par

hum wo murakh hain jo taqdir se haare kab the

shahr aabaad rahen aur tu aabaad rahe

hum to banjare hain ye shahr hamare kab the