KHwab tha ya ki junun KHub tha bekal mujh mein

ḳhvāb thā yā ki junūñ ḳhuub thā bekal mujh meñ

barpā rakhtā thā har ik haal meñ halchal mujh meñ

ye jo āñkhoñ se chhalaktī hai hama-vaqt mire

rakh gayā apnī nishānī koī chhāgal mujh meñ

ye batāte haiñ mujhe hoñToñ ke shikve mere

aaj bhī rahtī hai laḌkī koī pāgal mujh meñ

mujh ko rone hī nahīñ dete irāde mere

kyā karūñ dil jo dhaḌaktā hai ye komal mujh meñ

maiñ to ḳhāmosh huuñ ik umr se lekin haa.e

shor kartā hai bahut dard kā bādal mujh meñ

maiñ liye phirtī huuñ hoñToñ pe gulistān-e-adab

is ke bar-aks hai ābād ye jangal mujh meñ

ranj-o-ġham is liye is dil ke makīñ haiñ 'fahmī'

vird hotā hai kisī hijr kā pal pal mujh meñ

KHwab tha ya ki junun KHub tha bekal mujh mein

barpa rakhta tha har ek haal mein halchal mujh mein

ye jo aankhon se chhalakti hai hama-waqt mere

rakh gaya apni nishani koi chhagal mujh mein

ye batate hain mujhe honTon ke shikwe mere

aaj bhi rahti hai laDki koi pagal mujh mein

mujh ko rone hi nahin dete irade mere

kya karun dil jo dhaDakta hai ye komal mujh mein

main to KHamosh hun ek umr se lekin hae

shor karta hai bahut dard ka baadal mujh mein

main liye phirti hun honTon pe gulistan-e-adab

is ke bar-aks hai aabaad ye jangal mujh mein

ranj-o-gham is liye is dil ke makin hain 'fahmi'

wird hota hai kisi hijr ka pal pal mujh mein