KHwabon se rat-jagon ka guzar hai kahan abhi

ḳhvāboñ se rat-jagoñ kā guzar hai kahāñ abhī

rasta kisī talab kā digar hai kahāñ abhī

din din hai raat raat hai hastī ke vāste

partav se aa.ine ko mafar hai kahāñ abhī

ye sach hai kaT gayā hai añdherā to shaam kā

āñkhoñ meñ sahar sāz-e-sahar hai kahāñ abhī

ḳhud-sāḳhta sarāb meñ hai ishq gāmzan

husn-e-ḳhirām mahv-e-safar hai kahāñ abhī

kartā hai baat baat pe us kī hī baat kyoñ

āgāh apne dil se bashar hai kahāñ abhī

sahrā take hai raah samundar kī raat din

zarrāt kī duā meñ asar hai kahāñ abhī

ā.īne meñ sajā.e tamannā kī āgahī

dil kā nasīb aisī nazar hai kahāñ abhī

sarmast ho ke raqs kare mauj-e-dil meñ jaañ

ghuñghrū kā rashk koī bhañvar hai kahāñ abhī

rauzan ko jāntā hai mah-o-mehr kā madār

'aiman' ko raushnī kī ḳhabar hai kahāñ abhī

KHwabon se rat-jagon ka guzar hai kahan abhi

rasta kisi talab ka digar hai kahan abhi

din din hai raat raat hai hasti ke waste

partaw se aaine ko mafar hai kahan abhi

ye sach hai kaT gaya hai andhera to sham ka

aankhon mein sahar saz-e-sahar hai kahan abhi

KHud-saKHta sarab mein hai ishq gamzan

husn-e-KHiram mahw-e-safar hai kahan abhi

karta hai baat baat pe us ki hi baat kyon

aagah apne dil se bashar hai kahan abhi

sahra take hai rah samundar ki raat din

zarraat ki dua mein asar hai kahan abhi

aaine mein sajae tamanna ki aagahi

dil ka nasib aisi nazar hai kahan abhi

sarmast ho ke raqs kare mauj-e-dil mein jaan

ghunghru ka rashk koi bhanwar hai kahan abhi

rauzan ko jaanta hai mah-o-mehr ka madar

'aiman' ko raushni ki KHabar hai kahan abhi