KHwahish-e-did ke aankhon mein ujale le kar
KHwahish-e-did ke aankhon mein ujale le kar
Kaleem Noori Firozabadi
MORE BYKaleem Noori Firozabadi
ḳhvāhish-e-dīd ke āñkhoñ meñ ujāle le kar
DhūñDhtā huuñ maiñ tujhe paañv meñ chhāle le kar
zard paḌ jaate haiñ tābinda sitāroñ ke badan
chāñd jis vaqt nikaltā hai ujāle le kar
TuuT jā.egā ye terā bhī takabbur sūraj
raat jab aa.egī tārīk havāle le kar
zindagī us ko bachānā ho to yuuñ bachtī hai
bhej detā hai ḳhudā makaḌiyāñ jaale le kar
koī suqrāt nahīñ maiñ jo ḳhushī se pī luuñ
aap kyuuñ aa.e haiñ ye zahr ke pyāle le kar
KHwahish-e-did ke aankhon mein ujale le kar
DhunDhta hun main tujhe panw mein chhaale le kar
zard paD jate hain tabinda sitaron ke badan
chand jis waqt nikalta hai ujale le kar
TuT jaega ye tera bhi takabbur suraj
raat jab aaegi tarik hawale le kar
zindagi us ko bachana ho to yun bachti hai
bhej deta hai KHuda makaDiyan jale le kar
koi suqraat nahin main jo KHushi se pi lun
aap kyun aae hain ye zahr ke pyale le kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
