KHwahish-e-taKHt-o-taj aur hai kuchh
ḳhvāhish-e-taḳht-o-tāj aur hai kuchh
lekin apnā mizāj aur hai kuchh
kyā bharosā badalte mausam kā
rañg kal kuchh thā aaj aur hai kuchh
pāsdārī yahāñ nahīñ chaltī
is nagar kā rivāj aur hai kuchh
ḳhush na ho ham jo ho ga.e ḳhāmosh
sūrat-e-ehtijāj aur hai kuchh
kaam chaltā nahīñ hai marham se
zaḳhm-e-dil kā ilaaj aur hai kuchh
sochnā aur udaas ho jaanā
haal hī dil kā aaj aur hai kuchh
ik zamāna thā ham-mizāj the ham
ab to us kā mizāj aur hai kuchh
sher kahnā hai ek fan 'mohsin'
daftarī kām-kāj aur hai kuchh
KHwahish-e-taKHt-o-taj aur hai kuchh
lekin apna mizaj aur hai kuchh
kya bharosa badalte mausam ka
rang kal kuchh tha aaj aur hai kuchh
pasdari yahan nahin chalti
is nagar ka riwaj aur hai kuchh
KHush na ho hum jo ho gae KHamosh
surat-e-ehtijaj aur hai kuchh
kaam chalta nahin hai marham se
zaKHm-e-dil ka ilaj aur hai kuchh
sochna aur udas ho jaana
haal hi dil ka aaj aur hai kuchh
ek zamana tha ham-mizaj the hum
ab to us ka mizaj aur hai kuchh
sher kahna hai ek fan 'mohsin'
daftari kaam-kaj aur hai kuchh
- Book : Mata-e-Aakhir-e-Shab (Pg. 83)
- Author : Mohsin Zaidi
- Publication : Urdu Acadamy Delhi (1990)
- Edition : 1990
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
