KHwahish-e-yar ne hamein mara

ḳhvāhish-e-yār ne hameñ maarā

ġham ke āzār ne hameñ maarā

ham ye mahshar meñ saaf kah deñge

is sitamgār ne hameñ maarā

ye kahā thā ki marte haiñ tum par

jaan se yaar ne hameñ maarā

terī raftār ne kiyā pāmāl

terī guftār ne hameñ maarā

be-ḳhatā kahne se raqīboñ ke

but-e-ḳhuñḳhār ne hameñ maarā

haa.e kis naaz se tarah de kar

us tarahdār ne hameñ maarā

yaañ talak dushmanoñ ne kaan bhare

āḳhir us yaar ne hameñ maarā

yuuñ taḌapte na vasl ke liye ham

us ke iqrār ne hameñ maarā

sadma-e-ġham se jaañ na jaatī 'hayā'

rashk-e-aġhyār ne hameñ maarā

KHwahish-e-yar ne hamein mara

gham ke aazar ne hamein mara

hum ye mahshar mein saf kah denge

is sitamgar ne hamein mara

ye kaha tha ki marte hain tum par

jaan se yar ne hamein mara

teri raftar ne kiya pamal

teri guftar ne hamein mara

be-KHata kahne se raqibon ke

but-e-KHunKHar ne hamein mara

hae kis naz se tarah de kar

us tarahdar ne hamein mara

yan talak dushmanon ne kan bhare

aaKHir us yar ne hamein mara

yun taDapte na wasl ke liye hum

us ke iqrar ne hamein mara

sadma-e-gham se jaan na jati 'haya'

rashk-e-aghyar ne hamein mara