KHwahishon ka adab kiya maine

ḳhvāhishoñ kā adab kiyā maiñ ne

hasb-e-hājat talab kiyā maiñ ne

ek sachchā.ī ko kiyā sajda

ik haqīqat ko rab kiyā maiñ ne

jaane ab kis liye ḳhafā ho tum

jo kahā tum ne sab kiyā maiñ ne

jhuk ga.ī har nazar aqīdat se

aap kā zikr jab kiyā maiñ ne

apnī ḳhushiyoñ se pher kar nazreñ

ġham tirā muntaḳhab kiyā maiñ ne

bhuul se bhuul ho ga.ī hogī

jurm dānista kab kiyā maiñ ne

sach kā iz.hār kar diyā 'sālim'

uf ye kaisā ġhazab kiyā maiñ ne

KHwahishon ka adab kiya main ne

hasb-e-hajat talab kiya main ne

ek sachchai ko kiya sajda

ek haqiqat ko rab kiya main ne

jaane ab kis liye KHafa ho tum

jo kaha tum ne sab kiya main ne

jhuk gai har nazar aqidat se

aap ka zikr jab kiya main ne

apni KHushiyon se pher kar nazren

gham tera muntaKHab kiya main ne

bhul se bhul ho gai hogi

jurm danista kab kiya main ne

sach ka izhaar kar diya 'salim'

uf ye kaisa ghazab kiya main ne