KHwahishon ka wird yun mat kar parae shahr mein

ḳhvāhishoñ kā vird yuuñ mat kar parā.e shahr meñ

fāḳhta mar jā.egī ghuT kar qabā-e-shahr meñ

raat bhar dil meñ samundar karvaTeñ letā rahā

raat bhar bahtā rahā dariyā parā.e shahr meñ

raushnī hote hī kaalī āñdhiyāñ chalne lagīñ

bujh ga.e jitne diye ham ne jalā.e shahr meñ

zindagī ke peḌ se kuchh phuul bhī lipTe rahe

pattharoñ kī bhī rihā.ish thī ridā-e-shahr meñ

jī rahā huuñ bhuuk ke panje ko sāñseñ bech kar

phir rahā huuñ laash maiñ apnī uThā.e shahr meñ

shaam tak thā khiḌkiyoñ meñ pichhḌī āñkhoñ kā hujūm

chāñdnī phailī to aañsū the havā-e-shahr meñ

KHwahishon ka wird yun mat kar parae shahr mein

faKHta mar jaegi ghuT kar qaba-e-shahr mein

raat bhar dil mein samundar karwaTen leta raha

raat bhar bahta raha dariya parae shahr mein

raushni hote hi kali aandhiyan chalne lagin

bujh gae jitne diye hum ne jalae shahr mein

zindagi ke peD se kuchh phul bhi lipTe rahe

pattharon ki bhi rihaish thi rida-e-shahr mein

ji raha hun bhuk ke panje ko sansen bech kar

phir raha hun lash main apni uThae shahr mein

sham tak tha khiDkiyon mein pichhDi aankhon ka hujum

chandni phaili to aansu the hawa-e-shahr mein