ki tere shahr se aati saDak se munsalik hain

ki tere shahr se aatī saḌak se munsalik haiñ

mirī ḳhushiyāñ tire ġham kī kumak se munsalik haiñ

hamārī baat meñ kuchh vazn ho to kis tarah ho

ki ham to ġhair ke nān-o-namak se munsalik haiñ

use dekhūñ to phir mujh ko dikhā.ī de zarā kuchh

mirī āñkheñ un āñkhoñ kī chamak se munsalik haiñ

tire maazī se to gahrā ta.alluq hai hamārā

sitam ye hai ki tere aaj tak se munsalik haiñ

zamīneñ aap apne taur kar saktīñ nahīñ kuchh

zamīnoñ ke vasā.il sab falak se munsalik haiñ

hamārī ruuh kī bālīdgī ke silsile sab

tumhāre husn kī taaza mahak se munsalik haiñ

diloñ ke darmiyāñ ye dūriyāñ kam hoñ to kaise

zamāna ho gayā ham log shak se munsalik haiñ

tar-o-tāza hamesha is liye rahte haiñ 'nāmī'

pahāḌī silsile āb-e-ḳhunak se munsalik haiñ

ki tere shahr se aati saDak se munsalik hain

meri KHushiyan tere gham ki kumak se munsalik hain

hamari baat mein kuchh wazn ho to kis tarah ho

ki hum to ghair ke nan-o-namak se munsalik hain

use dekhun to phir mujh ko dikhai de zara kuchh

meri aankhen un aankhon ki chamak se munsalik hain

tere mazi se to gahra talluq hai hamara

sitam ye hai ki tere aaj tak se munsalik hain

zaminen aap apne taur kar saktin nahin kuchh

zaminon ke wasail sab falak se munsalik hain

hamari ruh ki baalidgi ke silsile sab

tumhaare husn ki taza mahak se munsalik hain

dilon ke darmiyan ye duriyan kam hon to kaise

zamana ho gaya hum log shak se munsalik hain

tar-o-taza hamesha is liye rahte hain 'nami'

pahaDi silsile aab-e-KHunak se munsalik hain