ki shikayat na koi shikwa-e-bedad kiya

kī shikāyat na koī shikva-e-bedād kiyā

kyā kahe vo ki jise dost ne barbād kiyā

kyā ḳhabar kis kī duā se vo hameñ mil jaa.e

ik parinda isī ummīd pe āzād kiyā

haa.e vo shaḳhs jo kartā thā hamārī ḳhvāhish

raqs-e-tanhā.ī meñ aaj us ko bahut yaad kiyā

maslahat-kosh zamāne meñ bhī sach bol sake

ham ne is shahr meñ vo aa.ina ījād kiyā

merā vo ghar jo mirā ghar hī nahīñ thā 'rūhī'

maiñ ne is ghar ko ajab naaz se ābād kiyā

ki shikayat na koi shikwa-e-bedad kiya

kya kahe wo ki jise dost ne barbaad kiya

kya KHabar kis ki dua se wo hamein mil jae

ek parinda isi ummid pe aazad kiya

hae wo shaKHs jo karta tha hamari KHwahish

raqs-e-tanhai mein aaj us ko bahut yaad kiya

maslahat-kosh zamane mein bhi sach bol sake

hum ne is shahr mein wo aaina ijad kiya

mera wo ghar jo mera ghar hi nahin tha 'ruhi'

main ne is ghar ko ajab naz se aabaad kiya