kījiye mat himāqat ġhazal ke liye
lete rahiye nasīhat ġhazal ke liye
ranjishoñ se faqat baat bantī nahīñ
hai zarūrī mohabbat ġhazal ke liye
kījiye husn kī bārhā iltijā
hai ḳhudā kī ye ne'mat ġhazal ke liye
kuchh 'ibārat ishārat adā.eñ bhī hoñ
varna hogī fazīhat ġhazal ke liye
chand rusvā.iyāñ chand nākāmiyāñ
haiñ hamārī vasiyyat ġhazal ke liye
koī āvāz uThne na deñge kabhī
jab talak haiñ salāmat ġhazal ke liye
be-sabab anginat naam de kar use
kījiye mat baġhāvat ġhazal ke liye
'āshiqī kā safar 'umr bhar kā sukūñ
chhoḌ deñge amānat ġhazal ke liye
shauq se jo bhī kahnā hai kah Dāliye
toḌiye mat rivāyat ġhazal ke liye
ġhaltiyoñ kī vakālat na kariye kabhī
hai isī meñ sharāfat ġhazal ke liye
ḳhuuñ jigar kā bhī jaltā hai syāhī ke sang
kījiye mat sharārat ġhazal ke liye
kijiye mat himaqat ghazal ke liye
lete rahiye nasihat ghazal ke liye
ranjishon se faqat baat banti nahin
hai zaruri mohabbat ghazal ke liye
kijiye husn ki barha iltija
hai KHuda ki ye ne'mat ghazal ke liye
kuchh 'ibarat ishaarat adaen bhi hon
warna hogi fazihat ghazal ke liye
chand ruswaiyan chand nakaamiyan
hain hamari wasiyyat ghazal ke liye
koi aawaz uThne na denge kabhi
jab talak hain salamat ghazal ke liye
be-sabab anginat nam de kar use
kijiye mat baghawat ghazal ke liye
'ashiqi ka safar 'umr bhar ka sukun
chhoD denge amanat ghazal ke liye
shauq se jo bhi kahna hai kah Daliye
toDiye mat riwayat ghazal ke liye
ghaltiyon ki wakalat na kariye kabhi
hai isi mein sharafat ghazal ke liye
KHun jigar ka bhi jalta hai syahi ke sang
kijiye mat shararat ghazal ke liye
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.