kin KHayalon mein rah gae hum log

kin ḳhayāloñ meñ rah ga.e ham log

phir savāloñ meñ rah ga.e ham log

jo tire haath se mayassar the

un nivāloñ meñ rah ga.e ham log

tirī yādoñ kī oḌhnī meñ kahīñ

tirī shāloñ meñ rah ga.e ham log

vaise chehra bhī ḳhuub hai lekin

tire bāloñ meñ rah ga.e ham log

'umr saarī guzār dī ham ne

kitne sāloñ meñ rah ga.e ham log

jin se mansūb ye mohabbat hai

un havāloñ meñ rah ga.e ham log

tere jaane kī der thī aur phir

ḳhastā-hāloñ meñ rah ga.e ham log

chaah meñ haath kuchh nahīñ aaya

aah vāloñ meñ rah ga.e ham log

kyā batā.eñ bhalā tumheñ 'ātif'

bas misāloñ meñ rah ga.e ham log

kin KHayalon mein rah gae hum log

phir sawalon mein rah gae hum log

jo tere hath se mayassar the

un niwalon mein rah gae hum log

teri yaadon ki oDhni mein kahin

teri shaalon mein rah gae hum log

waise chehra bhi KHub hai lekin

tere baalon mein rah gae hum log

'umr sari guzar di hum ne

kitne salon mein rah gae hum log

jin se mansub ye mohabbat hai

un hawalon mein rah gae hum log

tere jaane ki der thi aur phir

KHasta-haalon mein rah gae hum log

chah mein hath kuchh nahin aaya

aah walon mein rah gae hum log

kya bataen bhala tumhein 'atif'

bas misalon mein rah gae hum log