kirdar nibha kar bhi fasane ke nahin the

kirdār nibhā kar bhī fasāne ke nahīñ the

kuchh log zamāne meñ zamāne ke nahīñ the

ham suukh ga.e haiñ to ye ehsās huā hai

paude tirī miTTī meñ lagāne ke nahīñ the

ai arz-e-madīna tire bāġhāt ke mālik

rah jaane ke haqdār the jaane ke nahīñ the

kis dukh meñ bharā shahr Dubone pe ba-zid hai

jis aañkh meñ do ashk bhī aane ke nahīñ the

ye sunnat-e-shabbīr na hotī to kabhī ham

ābā.ī vatan chhoḌ ke jaane ke nahīñ the

kirdar nibha kar bhi fasane ke nahin the

kuchh log zamane mein zamane ke nahin the

hum sukh gae hain to ye ehsas hua hai

paude teri miTTi mein lagane ke nahin the

ai arz-e-madina tere baghat ke malik

rah jaane ke haqdar the jaane ke nahin the

kis dukh mein bhara shahr Dubone pe ba-zid hai

jis aankh mein do ashk bhi aane ke nahin the

ye sunnat-e-shabbir na hoti to kabhi hum

aabai watan chhoD ke jaane ke nahin the