kis aarzu mein nikle hain us par kya kahen

kis aarzū meñ nikle haiñ us paar kyā kaheñ

dekheñge jā ke kyā pas-e-dīvār kyā kaheñ

kyā ho ga.e tamām ḳharīdār kyā kaheñ

kyoñ so ga.e haiñ shahr ke bāzār kyā kaheñ

sab log chal rahe the salībeñ liye hue

thā un meñ kaun kaun gunahgār kyā kaheñ

hai kaun jis ko chhāñv se hai itnī dushmanī

rakkhe haiñ kis ne kaaT ke ashjār kyā kaheñ

pindār-e-dard kyā hai ye jin ko nahīñ ḳhabar

un sar-ḳhushoñ se lazzat-e-āzār kyā kaheñ

rusvā.iyoñ se tujh ko bachāne kī fikr meñ

kyā kyā hue haiñ tere liye ḳhvār kyā kaheñ

'ḳhāvar' unheñ ye zid hai sunāo na.ī ġhazal

ham soch meñ paḌe haiñ ki ash'ār kyā kaheñ

kis aarzu mein nikle hain us par kya kahen

dekhenge ja ke kya pas-e-diwar kya kahen

kya ho gae tamam KHaridar kya kahen

kyon so gae hain shahr ke bazar kya kahen

sab log chal rahe the saliben liye hue

tha un mein kaun kaun gunahgar kya kahen

hai kaun jis ko chhanw se hai itni dushmani

rakkhe hain kis ne kaT ke ashjar kya kahen

pindar-e-dard kya hai ye jin ko nahin KHabar

un sar-KHushon se lazzat-e-azar kya kahen

ruswaiyon se tujh ko bachane ki fikr mein

kya kya hue hain tere liye KHwar kya kahen

'KHawar' unhen ye zid hai sunao nai ghazal

hum soch mein paDe hain ki ash'ar kya kahen