kis KHwab ka asar hai jo ab tak nazar mein hai

kis ḳhvāb kā asar hai jo ab tak nazar meñ hai

manzil kī ek shabīh ġhubār-e-safar meñ hai

samjho ki ek partav-e-manzar nahīñ tamām

hai tīrgī vo raaz jo tāb-e-gohr meñ hai

dariyā kī vus.atoñ se jo ḳhā.if rahe vo log

samjhe nahīñ ki ek kināra bhañvar meñ hai

ham manzil-e-yaqīñ pe na Thahre ye jaan kar

ḳhalq-e-ḳhudā ke saath ḳhudā bhī safar meñ hai

raqsāñ mirī talab meñ hai raqqās-e-kā.enāt

merī talāsh hai jo dil-e-rah-guzar meñ hai

hairat vufūr-e-shauq meñ takmīl kī taraf

ik aks ā.inoñ se gurezāñ safar meñ hai

kis KHwab ka asar hai jo ab tak nazar mein hai

manzil ki ek shabih ghubar-e-safar mein hai

samjho ki ek partaw-e-manzar nahin tamam

hai tirgi wo raaz jo tab-e-gohr mein hai

dariya ki wusaton se jo KHaif rahe wo log

samjhe nahin ki ek kinara bhanwar mein hai

hum manzil-e-yaqin pe na Thahre ye jaan kar

KHalq-e-KHuda ke sath KHuda bhi safar mein hai

raqsan meri talab mein hai raqqas-e-kaenat

meri talash hai jo dil-e-rah-guzar mein hai

hairat wufur-e-shauq mein takmil ki taraf

ek aks aainon se gurezan safar mein hai