kis-kis ki yaad dil ko satati hai kya kahen
kis-kis ki yaad dil ko satati hai kya kahen
Vijendra Singh Parwaz
MORE BYVijendra Singh Parwaz
kis-kis kī yaad dil ko satātī hai kyā kaheñ
tanhā.ī kyā kyā bazm sajātī hai kyā kaheñ
vo ik nigāh jab bhī guzarte haiñ raah se
isrār kar ke ham ko bulātī hai kyā kaheñ
bārīk lab pe us ke tabassum kī ik kiran
fitne jo so rahe haiñ jagātī hai kyā kaheñ
pahne hue khaḌī hai charāġhoñ kā pairahan
ab tīrgī bhī jism chhupātī hai kyā kaheñ
duniyā kī kuchh ḳhatā hai na 'parvāz' maut kī
ye zindagī hī ham ko miTātī hai kyā kaheñ
kis-kis ki yaad dil ko satati hai kya kahen
tanhai kya kya bazm sajati hai kya kahen
wo ek nigah jab bhi guzarte hain rah se
israr kar ke hum ko bulati hai kya kahen
barik lab pe us ke tabassum ki ek kiran
fitne jo so rahe hain jagati hai kya kahen
pahne hue khaDi hai charaghon ka pairahan
ab tirgi bhi jism chhupati hai kya kahen
duniya ki kuchh KHata hai na 'parwaz' maut ki
ye zindagi hi hum ko miTati hai kya kahen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
