kis ko dikhaen sapne apne

kis ko dikhā.eñ sapne apne

sab ke dukh haiñ apne apne

kahne ko to log bahut the

ḳhvāb na bāñTe ham ne apne

tez bahut the havā ke jhoñke

qadam na paa.e jamne apne

saare aañsū pī Daale haiñ

tum ne apne ham ne apne

saath tumhārā raas na aaya

ḳhat meñ likkhā ham ne apne

raste par hai thakan sī taarī

paañv lage haiñ jamne apne

kis ko dikhaen sapne apne

sab ke dukh hain apne apne

kahne ko to log bahut the

KHwab na banTe hum ne apne

tez bahut the hawa ke jhonke

qadam na pae jamne apne

sare aansu pi Dale hain

tum ne apne hum ne apne

sath tumhaara ras na aaya

KHat mein likkha hum ne apne

raste par hai thakan si tari

panw lage hain jamne apne