kis ko KHabar thi wo bhi mera yar hoega

kis ko ḳhabar thī vo bhī mirā yaar ho.egā

aur turt saath sone ko tayyār ho.egā

kuchh hone aur kuchh bhī na hone ke darmiyāñ

iqrār ho.egā kabhī inkār ho.egā

kholā jo us ne raaz hamārā to besh-o-kam

poshīda is meñ bhī koī asrār ho.egā

gumnām jo bhī rahtā hai izzat usī kī hai

mash.hūr ho.egā to bahut ḳhvār ho.egā

jo kuchh samajh meñ aa.egā ruk jā.egā vahīñ

jo fahm se varā hai vo iz.hār ho.egā

bāhar se jitnī ho.egī ta.amīr sar-buland

andar usī hisāb se mismār ho.egā

rahne kā haq usī ko atā hogā shahr meñ

ab shahr-yār kā jo taraf-dār ho.egā

jo chhup-chhupā ke hotā rahā sab se aaj tak

ab ho.egā to barsar-e-bāzār ho.egā

achchhā nahīñ hai bosa-e-chashm us kā ai 'zafar'

tū rafta-rafta aap hī bīmār ho.egā

kis ko KHabar thi wo bhi mera yar hoega

aur turt sath sone ko tayyar hoega

kuchh hone aur kuchh bhi na hone ke darmiyan

iqrar hoega kabhi inkar hoega

khola jo us ne raaz hamara to besh-o-kam

poshida is mein bhi koi asrar hoega

gumnam jo bhi rahta hai izzat usi ki hai

mashhur hoega to bahut KHwar hoega

jo kuchh samajh mein aaega ruk jaega wahin

jo fahm se wara hai wo izhaar hoega

bahar se jitni hoegi tamir sar-buland

andar usi hisab se mismar hoega

rahne ka haq usi ko ata hoga shahr mein

ab shahr-yar ka jo taraf-dar hoega

jo chhup-chhupa ke hota raha sab se aaj tak

ab hoega to barsar-e-bazar hoega

achchha nahin hai bosa-e-chashm us ka ai 'zafar'

tu rafta-rafta aap hi bimar hoega