kis ko KHushi ke sath gham-e-do-jahan nahin

kis ko ḳhushī ke saath ġham-e-do-jahāñ nahīñ

vo kaun sī bahār hai jis kī ḳhizāñ nahīñ

tūfāñ kī saḳhtiyāñ to koī saḳhtiyāñ nahīñ

ġham ye hai bas meñ kashtī-e-umr-e-ravāñ nahīñ

duniyā ke har charāġh kī lau thartharā ga.ī

itnā asar bhī jis meñ na ho dāstāñ nahīñ

qismat kī har ḳhushī to zamāne ne chhīn lī

phir bhī ye merā zarf hai lab par fuġhāñ nahīñ

aisī jagah pe chhoḌ gayā mīr-e-kārvāñ

manzil kā duur tak kahīñ nām-o-nishāñ nahīñ

kuchh is tarah se mahv-e-ḳhayāl-e-jamāl huuñ

ye hosh hī nahīñ hai kahāñ huuñ kahāñ nahīñ

tujh ko baġhair dekhe uThegī na ye jabīñ

ye dil kā aa.ina hai tirā āstāñ nahīñ

bas do hī din kī shauq bahāreñ chaman meñ haiñ

jis zindagī ko DhūñD rahā huuñ yahāñ nahīñ

kis ko KHushi ke sath gham-e-do-jahan nahin

wo kaun si bahaar hai jis ki KHizan nahin

tufan ki saKHtiyan to koi saKHtiyan nahin

gham ye hai bas mein kashti-e-umr-e-rawan nahin

duniya ke har charagh ki lau tharthara gai

itna asar bhi jis mein na ho dastan nahin

qismat ki har KHushi to zamane ne chhin li

phir bhi ye mera zarf hai lab par fughan nahin

aisi jagah pe chhoD gaya mir-e-karwan

manzil ka dur tak kahin nam-o-nishan nahin

kuchh is tarah se mahw-e-KHayal-e-jamal hun

ye hosh hi nahin hai kahan hun kahan nahin

tujh ko baghair dekhe uThegi na ye jabin

ye dil ka aaina hai tera aastan nahin

bas do hi din ki shauq bahaaren chaman mein hain

jis zindagi ko DhunD raha hun yahan nahin