kis ko malum hui izzat-o-shan-e-bulbul

kis ko ma.alūm huī izzat-o-shān-e-bulbul

kaun hai gul ke sivā martaba-dān-e-bulbul

gosh-e-gul ne na sunā shor-e-fuġhān-e-bulbul

ai sabā kyā huī tāsīr-e-zabān-e-bulbul

aa.ī kyā fasl-e-ḳhizāñ uḌ ga.e murġhān-e-chaman

miT gayā sūrat-e-gul nām-o-nishān-e-bulbul

dīd-e-lailā ke liye shart hai chashm-e-majnūñ

sifat-e-gul ko hai darkār zabān-e-bulbul

ho gayā barham isī se to mizāj us gul kā

jā-ba-jā thā mire dīvāñ meñ bayān-e-bulbul

gaate haiñ merī ġhazal murġh-e-ḳhush-ilhān-e-chaman

un ko aatā hai maza hai ye zabān-e-bulbul

shab ko aatā hai jo mahfil meñ vo gul ai 'akbar'

ham ko parvānoñ pe hotā hai gumān-e-bulbul

kis ko malum hui izzat-o-shan-e-bulbul

kaun hai gul ke siwa martaba-dan-e-bulbul

gosh-e-gul ne na suna shor-e-fughan-e-bulbul

ai saba kya hui tasir-e-zaban-e-bulbul

aai kya fasl-e-KHizan uD gae murghan-e-chaman

miT gaya surat-e-gul nam-o-nishan-e-bulbul

did-e-laila ke liye shart hai chashm-e-majnun

sifat-e-gul ko hai darkar zaban-e-bulbul

ho gaya barham isi se to mizaj us gul ka

ja-ba-ja tha mere diwan mein bayan-e-bulbul

gate hain meri ghazal murgh-e-KHush-ilhan-e-chaman

un ko aata hai maza hai ye zaban-e-bulbul

shab ko aata hai jo mahfil mein wo gul ai 'akbar'

hum ko parwanon pe hota hai guman-e-bulbul