kis ko qarib jaanta hai kaun dur hai

kis ko qarīb jāntā hai kaun duur hai

kyā 'aql kī ḳhatā hai ki dil kā qusūr hai

ham ne kahā na tum ne sunā ek vāqi'a

paḌh likh sake bhī kyā ki jo bainassutūr hai

lamhāt-e-vasl bhī haiñ shab-e-hijr kī tarah

jitnā huā qarīb vo utnā hī duur hai

ham ko hai shauq-e-dīd ham ahl-e-nazar hue

ye tīrgī hamāre liye zill-e-nūr hai

tasvīr jalva-sāz-e-musavvir hai is tarah

merī nigāh muntazir-e-koh-e-tūr hai

haiñ mahfil-e-rumūz meñ 'asrār' jalva-gar

hairāñ na ho ki 'aql junūñ ke huzūr hai

kis ko qarib jaanta hai kaun dur hai

kya 'aql ki KHata hai ki dil ka qusur hai

hum ne kaha na tum ne suna ek waqi'a

paDh likh sake bhi kya ki jo bainassutur hai

lamhat-e-wasl bhi hain shab-e-hijr ki tarah

jitna hua qarib wo utna hi dur hai

hum ko hai shauq-e-did hum ahl-e-nazar hue

ye tirgi hamare liye zill-e-nur hai

taswir jalwa-saz-e-musawwir hai is tarah

meri nigah muntazir-e-koh-e-tur hai

hain mahfil-e-rumuz mein 'asrar' jalwa-gar

hairan na ho ki 'aql junun ke huzur hai