kis ko sunaun haal dil-e-be-qarar ka

kis ko sunā.ūñ haal dil-e-be-qarār kā

miltā nahīñ hai koī bashar e.atibār kā

kaise guzar vahāñ ho sukūn-o-qarār kā

jhagḌā paḌā huā ho jahāñ nūr-o-nār kā

naqd-e-hayāt un kī hai be-masraf-o-fuzūl

jin ko ḳhayāl hī nahīñ apne vaqār kā

ujḌā hai jab se merā nasheman huuñ mutma.in

ḳhatra hī ḳhatm ho gayā barq-o-sharār kā

hai din kī raushnī to kabhī raat kā samāñ

jaarī hai silsila yūñhī lail-o-nahār kā

tausīf us kī merī zabāñ se ho kyā bayāñ

yakjā huā hai husn urūs-e-bahār kā

be-bāl-o-par hai phir bhī banāyā hai āshiyāñ

maqdūr aur kyā thā ġharīb-ud-dayār kā

jān-e-bahār ban ke tasavvur meñ aa ga.e

jab bhī chhiḌā hai tazkira fasl-e-bahār kā

taḳhlīq-e-kā.enāt ke asbāb kuchh bhī hoñ

'ḳhāvar' ye ek shaġhl hai parvardigār kā

kis ko sunaun haal dil-e-be-qarar ka

milta nahin hai koi bashar eatibar ka

kaise guzar wahan ho sukun-o-qarar ka

jhagDa paDa hua ho jahan nur-o-nar ka

naqd-e-hayat un ki hai be-masraf-o-fuzul

jin ko KHayal hi nahin apne waqar ka

ujDa hai jab se mera nasheman hun mutmain

KHatra hi KHatm ho gaya barq-o-sharar ka

hai din ki raushni to kabhi raat ka saman

jari hai silsila yunhi lail-o-nahaar ka

tausif us ki meri zaban se ho kya bayan

yakja hua hai husn urus-e-bahaar ka

be-baal-o-par hai phir bhi banaya hai aashiyan

maqdur aur kya tha gharib-ud-dayar ka

jaan-e-bahaar ban ke tasawwur mein aa gae

jab bhi chhiDa hai tazkira fasl-e-bahaar ka

taKHliq-e-kaenat ke asbab kuchh bhi hon

'KHawar' ye ek shaghl hai parwardigar ka